ناطر عَ عتبات الدارْ
ناطر ليل نهارْ
عطرك سبقْ
طفا عطرك يا حبقْ
علق عَ باب الدارْ
قلبي لقلبك طبقْ
بسرعة لعندك سبقٔ
و حبي لحبك لبقٔ
بتذكري وقتها شو صارْ
عَ الباب وقفتي
دقيتي و خجلتي
وقتها خفتي
و عيونك بلشت تحتارٔ
قلبي لهفْ
إلك شغفٔ
خوفي ع خوفك انكشفْ
جسمي رجّفْ
ساعة تلج ساعة نارْ
بتذكري وقتها شو صارْ
خدّك جفلْ
مني خجلْ
و عيونك تهرب عَ عجلْ
قلبي مال و سألْ
قَلْبَك إلي اختارْ
وما تركلي قرارْ
شو يللي صارْ
بتذكري أنتي
وقتها كنتي
طفلة تقطفْ
الأزهارْ
حبك وَما
إلي أنا
و بسرعة بحضني ارتما
تشابكت إيدينا بالسما
و عقلي من فرحتي طارْ
وجهك لبس توب الفرحٔ
و صدري لحبك انشرحْ
عطرك ع تيابي انشلحٔ
و غنى معنا الكنارْ
بعدها شو صارٔ
شو بعد بدك لنكمل المشوارٔ
ليش هاجرتي
و حبي فارقتي
و تركتي و رحتي
بلا إنذارْ
شو يللي صارْ
رحل ضل ناطرْ
الليل مسهرني و ساهرْ
ناطر حبيبي المسافرْ
بلكي برجع شي نهارْ
طيفك سبحْ
بفكريِ سرحْ
يسرق فرحْ
من جفون الصبحْ
الحياة مو خسارة و ربحْ
الحياة لحظة مرحْ
تداوي الجرحْ
ليّصير الليل نهارْ
شو يللي صارْ
ناطر تجي مع الفجرْ
تطفي اشواق كواها الجمرْ
و انسى اشواك الهجرْ
بلكي شي مرة بهالعمرْ
بصفالي الدهرْ
و بشوف القمرْ
منور ليالي السهرْ
بطلة سحرْ
من وجه البدرْ
و لا شم من غيرك عطرْ
يا ساكني رموش القهرْ
ارجعي
ما عاد لي قدرة عَ الصبرْ
شو يللي صارْ
بقلمي
نصر مصطفى
سوريا
تعليقات
إرسال تعليق