«احتار..دليلي»بقلم الاستاذ محمد يونس

حتار.دليلى
ياللى زرعتوا الكلام
وطرحت سنابلة حروف
دة اللى اتروى با الحب
عمرة ما يجنى خوف
ياللى حصدتوا وغربلتوا المعانى
دلونى فين مناخلى وغرابيلى
احترت واحتار فيك يازمن دليلى
تاية فيكى يادنيا
مش عارف نهارى من ليلى
محتار والحيرة حيرتنى
من افعال البشر..الدنيا غيرتنى
سواح ما بين قليى..وبين عقلى
نواح مابين ضحكتى..وبين عويلى
ياللى حرتوا البحر..دى مايتة مالحة
فية قلوب طيبة..وكتير وشوش كالحة
دى اللقمة تغور..من ايد بشر طالحة
وكتير ناس لا عمرها بصت
على اللى ف ايد غيرها
ولا غنت يوم على مواويلى
قناديل البحر سيبانى..قناديل الحب مطفية
قناديل البر لسعانى..قناديل الغدر نار
حقودة وغبية
وانا اللى غرقانة..فى الدموع مناديلى
يا قارب فى بحر غريق ..يا ترى هتوصل لشطك
خايف مجدافك يخدعنى..ويطلع عدوى مش صديق
دنا اللى الموج زعلنى..وغرقنى وقطع سراويلى
يا داخل السوق..اوعى السوء يناديلك
واشترى الغالى وفصل منة..هدمتك ومناديلك
واوعى تمشى ف سكة ضلمة
واجرى ف نور قناديلك
وبلا ش الرخيص لتندم..وتقول اة اة اة يا ويلى
سوق الحلاةة جبر..وادلعوا الوحشين
صاحب الحلو..وابعد عن العفشين
يا بخت اللى صبر على المر
نهايتة على الراس..يبقى تاجى واكليلى
يا ضاربين الودع..شوفوا حال الجدع
لية اتوجع..وبختة مال
دة لا عمرة..شكى ولا حكى ولا قال
ولما زاد علية الاسى..دمعة ع الخد سال
يا اللى عليكوا القصد والنية..حسوا بيا
وافهموا..قولى واقاويلى
مع تحيات
محمد يونس