يعني ايه.... بقلم الاستاذ المبدع احمد عبد الحق
صفحة بكتاب
وأنك تكون حرف جميل
رغم العذاب
يعني ايه النجم عالي
ولما يعلي
وسعره في السوق بيغلي
واجمل ورده تطلع
تشق قلب التراب
يعني ايه كل مااحن
أصلي كل شويه احن
بعترفلك كل شويه احن
في الحقيقه الغرام غلاب
يعني ايه كل مااجي المسك
تمسكني نار
ولمااقرب واحضنك
بحس بهجوم التتار
ولما أفكر في حاجه أكبر
معرفش افرق
أن كنت عايش جنتك
ولا عايش جوه نار
يعني ايه كل نظره جوه عينك
تتوه حروفي
تتلون ملامحي
ألقي وشي حاجه حمرا
مع أن لون وشي قمحي
يعني ايه صبر الغياب
وأنك تحاول غصب عنك
تداري الشعر اللي شاب
وأنك تحافظ رغم جرحك
غدرالحبايب والصحاب
حبيبتي حاولي تقربيني
وافهميني
واحتويني
مش كفايه تكون حرف
عاوزك تكون كل الكتاب
امنحيني أعيش حياتي
وأعيش حياتك
رجعيلي إحساس الشباب
احمد عبدالحق
تعليقات
إرسال تعليق