مين زعلك يا قمر..... بقلم الاستاذ المبدع محمد جمال فايد
مين يقدر يزعلك ياقمر
.....وإنت بنورك فى السما عالي؟
وفي كل القلوب مسكنك
......وعند الجميع من زمان غالي
وبين النجوم منزلك
......ومهما تغيب دايما على بالي
وبكل خير أذكرك لأن
........ذكر الحبيب دايما بيحلالي
وبافرح بك ياقمر وإنت
............بجمالك حوالينا بتلالي
وأشوفك بتضحك فى السحر
......تنزاح عنى همومي وأحمالي
ونظرة من عيونك ياقمر
........تنسيني إللى كان بيجرالي
ولمسة إديك يا قمر
........تجعلني أشد للجنة ترحالي
ولحظة فى حضنك ياقمر
.................تتحقق بها كل أمالي
واسمع منك بحبك
.............تتغير ياقمر كل أحوالي
وادفع قصادها ياقمر
......عمري وروحي وكل راسمالي
وادعي رب الكون تكون
.ياقمرمن حظي ونصيبي وحلالي
................مع تحيات...............
..........محمد جمال فايد............
.....جمهورية مصر العربية .......
.كفرشبرا زنجى الباجور منوفية..
تعليقات
إرسال تعليق